Asteburuko agenda 2014-07-18

Alegian eta Zarautzen gaur jaialdiak, Uztaritzen igandean

Alegain eta Zarautzen izango dira gaur bertso-jaialdiak: Maialen Lujanbio, Amets Arzallus, Iker Zubeldia, Iñigo Mantzizidor "Mantxi"  arituko dira Alegian, Felix Irazustabarrenaren esanetara, 22:30ean kultur etxean. Zarautzen berriz, Amaia Agirre, Nerea Elustondo, Julen Zulaika, Hodei Iruretagoiena eta Andoni Egaña  Aitor Urbietak gaiak jarrita. Saioa Modelo aretoan izango da 22:30ean. Igandean, Uztaritzen: Amets Arzallus, Sustrai Colina eta Unai Iturriaga izango dira kantuan,  Haritz Bidegainek gaiak jarrita.

Badira ekitaldi gehiago ere. Gaur bertan, Aramaioko Aixola auzoan Sebastian Lizaso eta Aitor Mendiluze izango dira bertso-afarian. Asteasun, Santamaña auzoan, Jexux Mari Irazu eta Anjel Mari Peñagarikano, egun osoan.

Bihar berriz, Sunbillan Beira taldearen emanaldia izango da, Jon Martin bertsolariarekin, 18:00etan plazan. Zarauzko Bertso Astearen baitan, herriko txapelketa eguerdian eta bazkalondoan  finala Egoki tabernan. Sasetan, Trebiñuko euskal jaia ospatuko da eta Felipe Zelaieta eta Nerea Elustondo arituko dira kantuan bazkalondoan. Berriatuko Madalena auzoan, Andoni Egaña eta Sebastian Lizaso, eguerdian eta bazkalostean.

• 
•