Urteroko jaialdia 2014-08-11

Bertso egarriz Altzon

Aurtengoarekin, hogeita hamabigarren urtez jarraian egin dute bertso jaialdia Altzon. Tradizio berezikoa eta herriko jendeaz gain inguruko bertsozaleak ere biltzen dituena. Aurten, Arzallus, Peñagarikano, Gaztelumendi, Martin, Mendiluze eta Lujanbio aritu dira kantuan, Olano aurkezle zela. Saio ona joan zen, eta lehertu ere egin zen. Mardul hasi zen saioa Arzallus eta Martinen lanarekin guraso eta alabaren arteko gorabeheraz alkohola dela eta. Ildo berean jarraitu zuen Peñagarikano eta Mendiluzerekin, jubilatu berria eta despertadorearen arteko elkarrizketa politarekin. Umore finean aritu ziren ondoren Lujanbio eta Gaztelumendi, mendira joan eta bat bestearen lozakuan sartuta. Saioak izan zuen pisu unerik ere, baina, publikoaren erreakzioari begira, Peñagarikanoren ausardiak lehertu zuen. Anjel Mari bera zen bakarra iazko txapelketan kantatu gabea eta nola ikusi zituen bota behar zuen. Exageraziora jo zuen anoetarrak eta publikoaren barruak ikuitu zituen. Atzekoak zorrotz bezain fin eranzun zioten.

• 
•