Donostiako jaialdia 2014-08-19

Euririk gabeko saioa Donostian

Aste Nagusian bertso-saioak egin ziren astelehenez, asteazkenez eta ostiralez. Asteazkeneko jaialdia grabatu zuen Bertsoa.com-ek, eta hura izan zen euriak errespetatu zuen bakarra.

Igandean bukatu zen Donostiako Aste Nagusia. Astebetean hiru bertso jaialdi izan ziren bertan, Easo plazan, eguerdirz. Urtea joan eta urtea etorri, Donostiako bertsozaleen topagune bilakatu da plaza. Aurten eguraldiak ez du askorik lagundu. Astelehen eta ostiraleko saioetan euria egin zuen, eta astelehenean publikoaren zati bat kioskora igo zen bertsoak aterpean entzutera.

Asteazkeneko jaialdian Manex Mujika, Amaia Agirre, Agin Laburu eta Amets Arzallus jardun ziren kantuan, Naroa Sasietak gaiak jarrita. Saio umoretsua egin zuten nagusiki. Hona hemen saioko aukeraketa ikusgai.