Agenda 2014-08-21

Bilbon eta Bidania-Goiatzen saioak izango dira gaur

 Gaurko hiru bertso-saio daude iragarrita.

 Bilboko jaietan, egunero bezala, izango da non gozatua. Alde batetik, jada tradizioa hartu duen plazan izango da saioa, eguerdiko 13:00etan: Santiago Plazan alegia. Julio Soto, Etxahun Lekue, Uxue Alberdi eta Anjel Mari Peñagarikanok kantatuko dute.

 Bestalde, Algara Konpartsaren 20. urteurrena dela eta, bertso eta triki eguna izango da gaur. 12:00etan eta 16:00etan bertsotan ariko dira Algara Konpartsan bertan Jone Uria eta Nerea Elustondo.

 Bidania-Goiatzen ere jaietan dira egunotan. Gaur bertso-afaria egingo dute Bidaniako frontoian iluntzeko 21:30ean. Julio Soto eta Anjel Mari Peñagarikano dira bertan kantatzekoak.

• 
•