Larunbatean abiatuko da 2014-10-06

33 parte hartzaile Gai-jartzaile Eskolan

Erantzun zabala izan du Gai-jartzaile Eskolak. Herrialde desberdinetako 33 pertsonak eman dute izena: gai-jartzaile esperientzia handikoak batzuk, urtean herriko edo inguruko saioa aurkezten dutenak besteak eta baita gai-jartzailetzak erakarri eta lan hori probatu nahi duen jende berria ere. Larunbatean hasiko da, Villabonan, Bertsozale Elkartearen egoitzan. Aitor Sarriegi bertsolariak landuko gaia lehen zatian. Bigarrenean, egiturei buruzko praktika izango dira Josu Goikoetxeak eta Amaia Agirrek gidatuta.

Trebatu eta prestigiatu
Gai-jartzaiel Eskolaren helburua, gai-jartzaileak trabatzeaz gain, bada plazako gai-jartzaileen lana eta ofizioa prestigiatzea ere. Baita bertsolari eta ga-jartzaileen arteko harremana sendotzea eta gogoetak partekatzea ere. Ikastaroan alderdi teorikoa eta praktikoa uztartuko dituzte.

Urritik maiatzera, hilean behin saio tematikoak
Gai-jartzaile Eskolak hilean behingo saio tematikoak izango ditu maiatza arte eta horietan gai-jartzailearen zeregina landuko da hainbat arlotatik: jaialdiaren egitura, gaien planteamendua, gorputz espresioa, hitzen erabilera ideologikoa, literaturaren eragina, saioaren formulazioa…Josu Goikoetxeak eta Amaia Agirrek gidatuko dute ikastaroa. Gaiak landuko dituztenak bertsolariak eta idazle munduko jendea izango da:  Aitor Sarriegi, Iñigo Aranbarri, Maialen Lujanbio, Unai Iturriaga, Amets Arzallus, Harkaitz Cano eta Eider Rodriguez.

• 
•