Historia kontalari, bardo eta inprobisatzaileen topaketak 2014-10-09

Jon Maia Kanadan izango da aste honetan

 Azken urteotan gero eta herrialde gehiagotara joateko aukera izan dute bertsolariek bertsogintzaren eta bertsolaritzaren mugimendu osoaren berri emateko. Aste honetan Jon Maia Kanadan izango da, Eskozia Berrian, munduko historia kontalari, bardo eta inprobisatzaileen topaketa batean. Gaur hasi eta larunbatera bitartean, hainbat herrialdeetako inprobisatzaile, bardo eta ipuin-kontalariekin egingo dute topaketa.

 Jon Maiak hiru ekitalditan hartuko du parte. Gaur haurrei zuzendutako emanaldi bat egingo du. Bihar, berriz, "Bertsolari" filma emango dute eta horren ondoren galderei erantzungo die Jon Maiak. Azkenik, larunbatean mahai-inguru batean hartuko du parte. Informazio gehiago nahi izanez gero egin klik hemen.

• 
•