Arabako Bertsolari Txapelketarako Aurrekanporaketak 2014-10-13

Felipe Zelaietak irabazi du azkeneko saioa

 Joan zen larunbatean Elosun jokatu zen 2015eko Arabako Bertsolari Txapelketarako azkeneko aurrekanporaketa. Aintzane Irazusta aurkezle zela, honela gelditu zen sailkapena:

 1.- Felipe Zelaietak       190,5 puntu
 2.- Maria Izagak           161 puntu
 3.- Maddalen Arrausik      137,5 puntu
 4.- Maria Fuentesek        125,5 puntu
 5.- Unai Argotek           124 puntu
 6.- Irati Ruiz de Pinedok  124 puntu

 Guztira bost kanporaketa jokatu dira eta hogeita hamar bertsolarik kantatu dute bertan. Horietatik, bost saioetako irabazleak zuzenean sailkatu dira, eta beste zortzi bertsolari puntuazioen arabera. Horiei orain dela bi urteko finalisten artean izena eman duten bostak batuko zaizkie. Gauzak horrela, honako hemezortzi bertsolari hauek ariko dira 2015eko Arabako Bertsolari Txapelketan:

 Oihane Perea (2013ko finalista, zuzenean sailkatua)
 Manex Agirre (2013ko finalista, zuzenean sailkatua)
 Iñaki Viñaspre (2013ko finalista, zuzenean sailkatua)
 Ruben Sanchez (2013ko finalista, zuzenean sailkatua)
 Jagoba Apaolaza (2013ko finalista, zuzenean sailkatua)
 Zigor Enbeita
 Xabi Igoa
 Paula Amilburu
 Unai Mendibil
 Felipe Zelaieta
 Irati Anda
 Ander Solozabal
 Iker Agirre
 Unai Bengoetxea
 Peru Abarrategi
 Jon Ruiz de Pinedo
 Iker Pastor
 Asier Rubio

 Txapelketaren aurkezpena urtarrilaren 17an izango da eta martxoaren 21ean jokatuko da finala, Gasteizko Printzipal antzokian.

 Informazio gehiago nahi izanez gero egin klik hemen.

• 
•