Joan zen larunbatean Senperen 2014-10-14

Giro ederra Bertso Eskolen Egunean

 Giro ederra izan zen Lesakan orain dela hiru urte; jende asko elkartu zen Zarautzen orain dela bi urte eta iaz ere arrakastatsua izan zen Markina-Xemeingoa. Aurten laugarren Bertso Eskolen Eguna ospatu da, Senperen. Euskal Herriko hainbat txokotako bertso-eskoletako 50 bat kide bertaratu ziren eguerdirako. Larraldean egin zieten harrera, eta, bertan bazkalduta, musika eta kantu giroan hurbildu ziren Larreko Kulturgunera, Xilaba Txapelketako kanporaketa entzutera.

 Egun osoko ospakizuna

 Behin kanporaketa bukatuta, Larreko Kulturgunean bertan Elkarteko bolondresek edariak, pintxoak eta bixkotxak eskaini zizkieten bertaratu zirenei. Ondoren, Senpereko Oxtikenea Gaztetxean ordu txikiak arte luzatu zen festa, Bidelapurrak eta Guri5 taldeen kontzertuekin.

 Hala, urtean zehar bertso-eskolan dabiltzan gazteek beste herri batzuetan ere berdin dabiltzanak ezagutzeko parada izan zuten, harremanak estutu eta gozatzeko asmoz. 

• 
•