Herri arteko txapelketa Goierrin (Gipuzkoa) 2014-10-15

Gabiriarrak irabazle Zegaman

Gabiria, Segura eta Zegamako taldeak aritu ziren Goierriko herri artekoaren lehen saioan, Zegamako Mordoxka tabernan, eta gabiriarrak nagusi. Gabiri 2-ko taldean: Jokin Murua, Gorka Maiz eta Mikel Asurabarrena aritu ziren; Segurakoan, Jon Iturrioz, Mikel Oria eta Eneko Araiztegi; Zegamakoan, Joanes Etxaide eta Gorka Aierbe. Iñigo Atxa aritu zen aurkele lanetan. Landutako agur bereziak eta umorezko lanak izan zituzten hiru taldeek. Jendetza ederra bildu zen ekitaldian eta hasiera indartsua eman zaio Atera Goierriko herri artekoari.

Ostiralean Ormaiztegin eta larunbatean Ataunen
Ostiral honetan Ormaiztegin izango da kanporaketa: Zaldibia-Legorreta, Urretxu 3 eta Ormaiztegi taldeak arituko dira bertan.  Larunbatean, berriz, Ataunen, bertako taldea eta Urretxu 2 lehiatuko dira.

• 
•