Igor Elortza 2014-10-17

Igor Elortza: "Erregistro intimoak hobeto adierazten ditut horrelako doinuekin"

Antton Valverderen "Hegaztientzat pausarri" kantua moldatu zuen Igor Elortzak doinu berri bat sortzeko. Egitura berezikoa,  "hasierako hiru puntuko joku horretan, kopla zaharren jolasa bilatu nahi nuen” dio Igorrek.

2013ko Txapelketa Nagusiaren finalaurrekoetan, Donostiako Gasca kiroldegian plazaratu zuen, eta "Jada bi ordu ta piko" hasi zen kantari, beraz izen hori hartu du doinu berriak.

Datorren astean Maialen Lujanbio, Unai Agirre, Odei Barroso, Amets Arzallus eta Aitor Sarriegiren elkarrizketak eskainiko dizkizuegu. Plazaratu berri dituzten doinuen sorkuntza-prozesuaz eta doinuen erabilerari buruz hitz egin dugu beraiekin.

• 
•