Bizkaiko Bertsolari Txapelketa 2014-10-25

Bizkaiko Bertsolari Txapelketako hirugarren kanporaketa gaur Mungian

 Hirugarren hitzordua ere hariari josiko dio Bizkaiko Bertsolari Txapelketak. Gaur izango da, Mungiako Olalde aretoan, arratsaldeko 17:30etatik aurrera. Honako seikote hau aterako da oholtzara:

 Eneko Abasolo Txabarri "Abarkas"
 Gorka Lazkano Arrizubieta
 Jon Rementeria Larruzea
 Joseba Artza Zubillaga
 Julen Ibarguengoitia Ordorika
 Peio Ormazabal Villanueba

 Sei bertsolarietatik bi, Eneko Abasolo "Abarkas" eta Peio Ormazabal, aurretik Bizkaiko Bertsolari Txapelketako finalean arituak dira. "Abarkas" ez beste bostak eskualdeetako txapelketetatik sailkatu dira kanporaketara. Gainera, Gorka Lazkanok Durangaldeko txapela jaso zuen.

 Egin beharreko lana

 Aurreko saioetan bezala, oraingo honetan ere bertsolariek hamarna bertso puntuagarri kantatuko dituzte, ariketa hauekin:

 -Zortziko nagusian ofiziotan hiruna bertso
 -Zortziko txikian ofiziotan hiruna bertso
 -Puntua emanda bina bertso zortziko txikian
 -Kartzelako lana: gai bati buruz bi bertso doinu eta neurri librean

 Irabazlea zuzenean sailkatuko da finalaurrekoetara

 Denera bost kanporaketa jokatuko dira, gaurko hau hirugarrena izango da. Saioko irabazlea zuzenean sailkatuko da finalaurrekoetara, eta gainerakoek puntuazioen zain geratu beharko dute. Aurreko saioak Beñat Ugartetxea eta Oihana Bartrarentzat izan dira. Honela dago sailkapena:

 1.- Beñat Ugartetxeak             372,5 puntu (zuzenean sailkatua)
 2.- Ibon Ajuriagojeaskoak         366,5 puntu
 3.- Julen Erezumak                356 puntu
 4.- Garikoitz Sarriugartek        354 puntu
 5.- Oihana Bartrak                344,5 puntu (zuzenean sailkatua)
 6.- Josu Landetak                 342 puntu
 7.- Aitor Arrutiak                341,5 puntu
 8.- Lander Ibarluzea "Aitxuluak"  339 puntu
 9.- Iñaki Iturriotzek             337,5 puntu
 10.- Inazio Vidalek               319 puntu
 11.- Aitor Bizkarrak              316,5 puntu
 12.- Itxaso Paiak                 316,5 puntu

 Informazio gehiago nahi izanez gero egin klik hemen.

• 
•