Igandean 15:00etan ETB1en 2014-11-07

Bi plaza eta bi aldarte Hitzetik Hortzeran

Eneritz Zabaleta, Maddalen Arzallus, Ramuntxo Christy, Patxi Iriart, Aitor Servier eta Egoitz Zelaia izan ziren kantuan Aiziritzen Xilabako azken finalaurrekoan. Han erabaki zen hilaren 15eko finalean izango den seikotea: Aiziritzetik Eneritz Zabaleta, Maddalen Arzallus eta Ramuntxo Christy eta Larresoroko finalaurrekotik Sustrai Colina, Xumai Murua eta Odei Barroso.

Aiziritzeko kantuak eta kontuak, eta finalisten asmoak eskainiko ditu Hitzetik Hortzerak.

Txapelketatik bestelako plazara, urteroko bertso-jaialdia baita Ermuakoa. Euskal Birusa Elkarteak antolatzen du eta aurtengoan bertsolari hauek igo dira oholtzara: Iratxe Ibarra, Alaia Martin, Uxue Alberdi, Andoni Egaña, Onintza Enbeita eta Maialen Lujanbio. Ainhoa Aranbururen gidaritzapean aritu ziren kantuan.

Ermuan urtero egiten dute bertso-jaialdia Sanmartin inguruan baina duela zazpi urte arte bertso-afaria egiten zuten. Orain hamazazpi urte gonbidatu zituzten kantura Sebastian Lizaso eta Maialen Lujanbio. Orduko bertsoak entzun ahal izango dira telebista-saioan.

Hori guztia Hitzetik Hortzeran, igandean 15:00etan ETB1en eta sarean EITB Nahieran atarian.

• 
•