Etxepare Rap 2014-11-13
"Testu raperoena da bertsoa"
"Literatura klasikoaren ordubeteko klase polit eta entretenigarri" moduan definitu du Imanol Epeldek Etxepare Rap emanaldia. Hainbat autoreren hitzak hartu eta rap-doinuetara egokitu ditu zarauztarrak. Bertsoaroaren baitan eskaini zuen ikuskizuna asteartean eta hitzordua jarri genuen berarekin hitzez hitzei buruz aritzeko.
Literatura-irakaslea da Imanol Epelde eta bere klaseak gaztetxoentzat erakargarri egiteko saiakeran sortu zitzaion Etxepare Rap emanaldiaren ideia. Bernat Etxepare, Axular, Oihenart... autore klasikoen hitzak egungo doinuetara egokitu eta antzerkia, kantua eta dantza uztartuz "euskarazko literatura-klase polit eta entretenigarria" osatu du."Testu raperoena bertsoa" izanik, "horrelako emanaldi batean bertsolariak ezin" zutela falta dio eta Txirrita eta Bilintxen bertsoak aukeratu ditu, asko miresten dituen bi bertsolarirenak. Haien ezkutuko izaere azaleratzen du Imanolek oholtza gainean.
Aurrera begira, proiektu honekin jarraitzeko asmoa du Imanol Epeldek baina "autore asko falta direla somatu" duenez, "presarik gabe" baina eguneratuko du Etxepare Rap.
Albiste gehiago
Aitor Etxebarriazarra Gabiola - Bizkaiko Txapelduna 2025-12-23
«Finalean eman nezakeena emandako sentsazioarekin gelditu nintzen»
Nafarroako Bertsolari Txapelketa - Finala 2025-11-21
Aniztasunaren argazkia oholtzan
Jexux Mari Irazu
Aitor Bizkarra Ruiz - Bizkaiko Bertsolari txapelketa 2025-10-28
«Gustura nago beharra egin izanagatik eta aldartea mantendu izanaren poza badaukat»
Nafarroako Txapelketa - Xabat Illarregi Marzol 2025-10-21
«Egin nahi nuenetik nahiko gertu sentitu nuen nire burua Iruritan»
Jexux Mari irazu