Errenterian, Xenpelar Etxean 2014-11-20

Xenpelar sariketa larunbatean

Xenpelar gazte sariketa jokatuko da datozen asteetan Errenterian, Ereintza Kultur Elkarteak eta Bertso Eskolak antolatuta. Euskal Herri osoko hamabi bertsolarik hartuko dute parte bi kanporaketetan eta abenduaren 8an jokatuko da finala.

Larunbat honetan da lehenengo kanporaketa: Maider Arregi, Jon Gurrutxaga, Nerea Ibarzabal, Amaia Iturriotz, Ane Labaka eta Asier Rubio. Saioa Xenpelar Etxean jokatuko da, 18:30etan hasita.

Bigarren kanporaketa azaroaren 29an:  Aratz Igartzabal, Arnaitz Lasarte, Josu Sanjurjo, Maddi Sarasua Laskarai, Aitor Servier eta Ane Zuazubizkar, 18:30etan Xenpelar Etxean. Gai-jartzen Kepa Isasi arituko da bi kanporaketetan.

Finala, abenduaren 8an
Xenpelar sariketako finala abenduaren 8an izango da, astelehena, 17:00etan hasita, Niessen kultur gunean.

• 
•