Igandean 15:00etan ETB1en 2014-11-21

Hitzetik Hortzeran, bertsolaritza Nafarroako ikasgeletan

Bertsolaritza Irakaskuntzan proiektuaren berri emango du igandeko Hitzetik Hortzerak. Ezaugarriak, helburuak eta azkenaldian izan dituen traben ondorioak hartuko dituzte ahotan protagonistek: Lorea Arburua, Nafarroako Bertsozale Elkarteko eragilea, Joxema Leitza bertsolaritza-irakaslea, Joana Ziganda Irurtzungo Atakondoa ikastetxeko zuzendaria eta Xabier Urizar eta Maria Gonzalez Iruñeko San Fermin ikastolako eta Urdiaingo herri-eskolako irakasleak hurrenez hurren.

Ikasgeletan egiten den bertso-transmisio horrek eragingo du Iruñeko Bertsoaroaren arrakastan. Aurtengo azken saioan izan dira kantuan Maialen Lujanbio, Aimar Karrika, Oskar Estanga, Nerea Elustondo, Jon Maia eta Unai Iturriaga. Ainhoa Aranburuk bideoak jarri zizkien bertsogai.

Julio Sotok Nafarroari jarritako bertso ederrek emango diote hasiera telebista-saioari. Hitzetik Hortzera, igandean 15:00etan ETB1en eta sarean EITB Nahieran atarian.

• 
•