Lehen kanporaketa jokatuta 2014-11-25

Labaka, Arregi eta Ibarzabal Xenpelarreko finalera

Xenpelar gazte sariketako lehen kanporaketa jokatu zen joan den larunbatean Errenteriako Xenpelar Etxean. Sei bertsolari aritu ziren kantuan: Maider Arregi, Jon Gurrutxaga, Nerea Ibarzabal, Amaia Iturriotz, Ane Labaka eta Asier Rubio. Epaimahiak Maider Arregi oinatiarra, Nerea Ibarzabal markina-xemeindarra eta Ane Labaka lasartearra jo zituen finalerako. Saioa Xenpelar Etxeko aretoa beteta zela jokatu zen.

Bigarren kanporaketa azaroaren 29an, ostiral honetan:  Aratz Igartzabal, Arnaitz Lasarte, Josu Sanjurjo, Maddi Sarasua Laskarai, Aitor Servier eta Ane Zuazubizkar, 18:30etan Xenpelar Etxean. Gai-jartze lanetan Kepa Isasi arituko da.

Finala, abenduaren 8an
Xenpelar sariketako finala abenduaren 8an izango da, astelehena, 17:00etan hasita, Niessen kultur gunean.

• 
•