Igandean 15:00etan ETB1en 2014-11-28

Bertsoaren inguruneaz Hitzetik Hortzeran

"Bertsoak zer ematen dio inguruari eta zer inguruak bertsoari? " Galdera horri bueltaka arituko dira igandeko Hitzetik Hortzeran. hainbat testigantza jaso dituzte erantzun bila  Etxebarrin eta Donostian.

Bizkaiko Bertsolari Txapelketako lehen finalaurrekoa jokatu zen Etxebarrin. Iratxe Ibarrak lortu zuen finalerako txartela eta berarekin aritu ziren kantuan Miren Amuriza, Ander Elortegi, Fredi Paia, Eneko Abasolo "Abarkas" eta Joseba Artza. Hango bertsoaldi onenak eta protagonisten hitzak eskainiko dira telebista-saioan.

Historia luzea du Donostiako Lugaritz aretoko bertso-jaialdiak. Urtero egiten dute eta aurtengoan Amets Arzallus, Andoni Egaña, Uxue Alberdi eta Beñat Gaztelumendi izan dira kantuan Josu Goikoetxearen agindutara. Artxibotik berreskuratuko dute Donostiako Antzoki Zaharrean Xabier Euzkitze eta Bilintxen arteko elkarrizketa.

Hitzetik Hortzera, igandean arratsaldeko 15:00etan eta EITB Nahieran atarian.

• 
•