Alegria Peñan, 20:00etan 2014-12-09

Ostiralean Nafarroako Txapelketarako aurrekanporaketa jokatuko da Iruñean

2015eko Nafarroako Bertsolari Txapelketarako aurrekanporaketa saioa jokatuko da ostiral honetan Iruñean, Alegria Peñan, 20:00etan. Sei bertsolarik hartuko dute parte kanporaketan eta horietatik hiruk lortuko dute final-laurdenetarako sailkatzea. Kantuan arituko direnak: Sahats Aleman, Mikel Lasarte, Sarai Robles eta Mintxo Astiz barañaindarrak, Mikel Juaniz iruindarra eta Kotte Plaza.

Egin beharreko lana
Binaka, gaia emanda, hiruna bertso zortziko handian.
                        Binaka, gaia emanda, hiruna bertso zortziko txikian.
                        Kartzelako lana:
                        Banaka, lehen puntua emanda, bi bertso zortziko txikian.
                        Banaka, gaia emanda, bi bertso nahi den doinu eta neurrian.
 

Nafarroako Txapelketa; otsailaren 7an hasi eta martxoaren 28an finala
33 bertsolarik eman dute izena 2015eko Nafarroako Bertsolari Txapelketan eta Final-laurdenetako fasea otsailaren 7an hasiko 30 bertsolarirekin. Finala martxoaren 28an jokatuko da. Nafarroako Bertsolari Txapelketaren inguruko gainerako xehetasunak otsaila hasieran emango ditu Nafarroako Bertsozale Elkarteak.
 

• 
•