Igandean 15:00etan ETB1en 2014-12-12

Txapelketa eta sormena Hitzetik Hortzeran

Arkaitz Estiballes, Etxahun Lekue, Fredi Paia, Iratxe Ibarra, Jone Uria, Oihana Bartra, Onintza Enbeita eta Xabat Galletebeitia. Horixe Bizkaiko Bertsolari Txapelketako finalean izango den zortzikotea. Hilaren 20an Bilboko Miribillan.

Pasa den igandean Amorebieta-Etxanon jokatu zen azken finalaurrekoa. Han izan ziren kantuan Garikoitz Sarriugarte, Ibon Ajuriagojeaskoa, Jone Uria, Arkaitz Estiballes, Oihana Bartra eta Imanol Uria. Hango bertsoaldi onenak eta bertsolarien hitzak eskainiko ditu Hitzetik Hortzerak.

Markina-Xemeinen ere txapelketa izan zen urteroko Kontzezioko bertso-saioaren motiboa. Bizirik dauden sei Txapeldunak izan ziren kantuan: Jon Lopategi, Xabier Amuriza, Sebastian Lizaso, Maialen Lujanbio, Andoni Egaña eta Amets Arzallus.

Jon Lopategik 1986ko Txapelketa Nagusian egindako bakarkako lana ikusi eta entzun ahal izango da.

Beraz, txapelketa izango du ardatz telebista-saioak. "Baina, nola eragiten dio txapelketak bertsolarien sormenari edota ohiko plazako jardunari?".  Hainbat bertsolarik galdera horri erantzundakoa eskainiko du igandeko Hitzetik Hortzerak; 15:00etan ETB1en eta sarean EITB Nahieran atarian.

• 
•