Bihar Larrabetzun bertso-jaialdia 2014-12-24

Gabonetan ere bertsoak

Gabonetan bertsolariek ez dute atsedenik izango. Hainbat jaialdi eta emanaldi berezi eskainiko dira Euskal Herriaren luze-zabalean.

Jaialdiei dagokienez, bihar bertso-saioa izango da Larrabetzuko gaztetxean arratsaldeko 19:00etatik aurrera. Han izango dira kantuan Sustrai Colina, Andoni Egaña, Onintza Enbeita eta Fredi Paia.

Ostiralean gaueko 22:00etan Urduñako III. Bertso Saioa egingo dute. Han izango dira kantuan Eneko Abasolo "Abarkas", Mañen Amenabar, Iñaki Apalategi, Iñigo Mantzizidor "Mantxi", Jon Martin eta Oihane Perea. Aramaion gaueko  22:30ean izango da  saioa Beñat Gaztelumendi, Xabi Igoa, Alaia Martin eta Aitor Mendiluzerekin. Eta Elgoibarren ordu berean, Miren Amuriza, Andoni Egaña, Maialen Lujanbio, Jon Maia eta Anjel Mari Peñagarikano.

Hilaren 27an, larunbata, Bertsolataren baitan bertso-jaialdia egingo dute Hernanin. Bertsolari hauek izango dira kantuan: Amets Arzallus, Sustrai Colina, Jexux Mari Irazu, Nerea Elustondo, Arnaitz Lasarte eta Maialen Lujanbio.

Eta asteburuari amaiera emateko, igandean beste bi bertso-jaialdi, biak ordu berean. Errenterian Unai Agirre, Haritz Casabal, Nerea Elustondo, Iñigo Mantzizidor "Mantxi", Aitor Mendiluze eta Arkaitz Oiartzabal "Xamoa" izango dira bertsotan eta Azpeitian Sustrai Colina, Andoni Egaña, Igor Elortza, Iñigo Ibañez, Maialen Lujanbio eta Alaia Martin.

Bi sariketa ere jokatuko dira larunbatean. Bergarako Bertsolari Txapelketa Nagusia eta Bortzirietako bertso-eskolaren Txapelketa.

Horiez gain, beste hainbat emanaldi berezi eta libreko saio izango dira egun hauetan. Beraz, bertsoa nahi duenak izango du aukera.

• 
•