Laugarren edizioa da aurtengoa 2015-01-16

Mikel Laboa sariketa jokatuko da igandean Donostian

 Laugarrenez Mikel Laboa sariketa jokatuko da igandean Donostian, Antiguoko jaietan, Doka Antzokian. Arratsaldeko 17:30ean hasiko da saioa. Honako seikote hau ariko da kantuan:

 Maider Arregi (Oñati)
 Eñaut Martikorena (Hernani)
 Izarne Zelaia (Donostia)
 Arnaitz Lasarte (Hernani)
 Ane Zuazubiskar (Arrasate)
 Nerea Ibarzabal (Markina-Xemein)

 Hamabina bertso puntuagarri

 Bertsolariek honako ariketa hauek egin beharko dituzte:

 -Zortziko handian hiruna bertso
 -Zortziko txikian hiruna bertso
 -Hamarreko txikian hiruna bertso
 -Bina punturi erantzun
 -Hitz bati bertsoa

 Behin ariketa hauek eginda, bi bertsolari sailkatuko dira buruz burukora. Bertan, hasteko seiko motzean hiruna bertso botako dituzte. Ondoren, puntutan ariko dira, sei bertso osatu arte. Azkenik, kartzelako lanean, gai bati bi bertso botako dizkiote.

• 
•