Igandean 15:00etan ETB1en 2015-02-06

Bertso Eguneko goiza eta gaua Hitzetik Hortzeran

Besteak beste Nahikari Gabilondo, Amaia Agirre, Arrate Illaro, Maddalen Arzallus, Xabi Igoa,  Unai Gaztelumendi eta Ander Elortegi ibili ziren kantuan Bertso Egunean goizez kalez kale. Eta gauean, Manteo kiroldegiko afalostean Fredi Paia eta Ane Labaka beste batzuen artean. Oskar Estanga eta Beñat Gaztelumendik eman zioten amaiera emanaldiari "Bat-batean" bertso musikatuen ikuskizunarekin.

Goizeko eta gaueko bertsoaldirik onenak eskainiko ditu Hitzetik Hortzerak igandean. Horrez gain, Tolosan Atariaren alde egindako jaialdiko bertsoak eta Mungiako San Antontxuetako saiokoak, pasa den astean erakutsi gabekoak. 

Ordutegi ezberdinak daude bertsotarako: goizeko poteoak, eguerdiko saioak, arratsaldeko jaialdiak, afalostekoak... aldatzen ari ote dira saioak  antolatzeko ordutegiak? zein ordu ote dute gustukoen bertsolariek kanturako?

Bertsoei eta bertso-saioen ordutegiei erreparatuko die Hitzetik Hortzerak. Igandean 15:00etan ETB1en eta sarean EITB Nahieran atarian.