goizeko 10:00etan hasita 2015-02-06

Larunbatean lau talde santa eske koplatan Mutrikun

Asteazkean izan zen Santa Ageda bezpera. Herri askotan kantu eta koplak izaten dira. Mutriku da horietako bat. Herri honetan, Santa Ageda bezperan ez, otsaileko lehen larunbatean egiten dute eta lau-bost talde ateratzen dira herrigune eta auzoetan barrena. Aurtengoan honako lau talde aterako dira, hiru bertso-eskolatik eta bat Mijoa auzoko taldea.

Bertso eskolatik 3 talde:
1.Taldea:  Koplariak Imanol Lekunberri eta Iñigo Arrizabalaga . Goiz eta arratsalde kalean  arituko dira koplari.
2.Taldea:  Koplariak Angel Mari Peñagarikano eta Laxaro Astigarraga. Talde honek Olatz eta Ibiri bailarak koplatuko ditu.
3.Taldea:  Koplariak Jexux Mari Irazu eta Orlando Arreitunandia. Talde honek Astigarrabia, Olabarrieta eta Laranga bailarak koplatuko ditu.

Mijoa auzoko taldea:  Koplariak Iñaki Apalategi eta Xabi Astigarraga. Goizean Galdua bailaran arituko dira eta arratsaldean  Mijoan.

• 
•