17:30etan katakrak-en 2015-02-07

Iruñean ekingo dio gaur Nafarroako Txapelketak

Gaur hasiko da Nafarroako Bertsolari Txapelketaren 42. edizioa Iruñean. Final-laurdenetako fasea izango da lehena, bost saiorekin. Larunbatean, 17:30ean hasita, Iruñeko Katakraken sei bertsolarik hartuko dute parte: Jon Barberena, Joxema Leitza, Aritz Saragueta, Bittor Elizagoien, Unai Uberetagoena eta Oier Lakuntza. Aurkezle lanak Alaitz Rekondok eginen ditu.
Katakrakeko aretoak lehen aldiz hartuko du Nafarroako Bertsolari Txapelketako saio bat. Lokalaren filosofiari jarraikiz ez da sarrerarik kobratuko eta saiora joan nahi duenak gonbidapena eskuratu beharko du, Nafarroako Bertsozale Elkartearen egoitzan edo Katakraken bertan. Gainerako saioetan bezala, aforoa mugatua da.

• 
•