Nafarroako Bertsolari Txapelketa 2015-02-08

Irurtzunen jokatuko da gaur bigarren final-laurdena

Gaur Irurtzungo Kultur Etxean jokatuko da Nafarroako bigarren final-laurdena, 17:30ean: Julio Soto, Alazne Untxalo, Iban Garro, Julen Zelaieta, Migel Mari Elosegi “Luze” eta Kotte Plaza igoko dira oholtzara. Kotte Plaza iruritarrak lehen parte-hartzea du Nafarroako Bertsolari Txapelketan. Fernando Anbustegi izanen da aurkezlea.

Sakanako bertso-eskolaren laguntza
Irurtzungo udalak eta Sakanako Bertso Eskolak lagundu dute Irurtzungo saioa antolatzen.
Irurtzungo saiorako sarrera sei eurokoa da, lau euro Bertsozale Elkarteko bazkideentzat eta 16 urtetik beherakoentzat. Takila arratsaldeko 16:00etan zabalduko da, aretoan bertan.
Txapelketaren gaineko informazio osoa eta eguneratua www.bertsozale.eus webgunean aurkituko duzue.

• 
•