Hitzetik Hortzeran, igandean 15:00etan ETB1en 2015-02-13

Aktualitatearen erabilera bertsotan

Nola kantatzen dio bertsolariak aktualitateari eta zer egiten du aktualitateari abestu ahal izateko? Gai horiei buruz Imanol Lazkano, Jone Uria, Amets Arzallus, Unai Iturriaga eta Onintza Enbeitari euren iritzia galdetu die Hitzetik Hortzerak.

Adibide gisa, hainbat bertsoaldi berreskuratuko dituzte eta erakutsiko dute azken hamarkadetan nola abestu izan dieten bertsolariek errealitateari.

Horrekin batera, Lezoko bertso-jaialdia eskainiko da. Beñat Gaztelumendi, Jon Maia, Andoni Egaña eta Onintza Enbeita kantuan eta Amaia Resende eta Julen Mogollon bertso-eskolako kideak gai-jartzaile lanetan.

Hitzetik Hortzera, igandean 15:00etan ETB1en eta sarean EITB Nahieran atarian.

• 
•