Emakumea eta bertsolaritza 2015-03-06

Zertan aurreratu da eta zer falta da egiteko?

Duela hamar urte plazan kantuan zebiltzan hainbat bertsolari elkarrizketatu zituen Hitzetik Hortzerak eta erreportaje bikain hau egin zuten testigantza haiekin. Honela aurkeztu zuen Josu Goikoetxeak 2005eko saio berezi hura:

"Arratsaldeon denoi. Saio berezia dugu gaurkoa, oso-osorik emakumezko bertsolariei buruzkoa, beraiek bizi izandakoa, euren kezkak eta hausnarketak jasotzen ahaleginduko gara. Oraindik gizonezko bertsolarien kopurua emakumezko bertsolariena baino handiagoa den arren, aldea txikitzen ari da apurka-apurka. Gaur egungo puntako bertsolarietan onentsuena emakumea da, gaiei heltzeko modua aldatzen ari da, baina asko dago egiteko oraindik, batez ere mendetan zehar pilatutako klitxeak eta joerak bazter uzteko. Eta ikusiko dugunez, lan hori ez dute soilik gizonezkoek egin behar, andrazkoek ere badaukate zer aldatu. Gai hori eta beste asko gaurko saioan, Amaia Agirre lankideak egindako elkarrizketa sailetik hautatuak. Ea zuen gustukoa eta interesekoa den."

Orduko egoera ekarri dugu gogora hamarkada honetan bertsolaritzak aurrera zertan egin duen eta egiteko zer falta den hausnartzeko.

Erreportaje osoa duzue ikusgai hemen.

• 
•