Xenpelar Dokumentazio Zentrotik 2015-03-13

Udaberriari kantari

1986ko txapelketaren finala ez-ohiko garaian jokatu zen. Izan ere 1985ean jokatzekoa zen txapelketak gorabeherak izan zituen, eta bertsolariak eta bertsozaleak eurak hasi ziren antolatzen. 1985ean hasi bazen ere, finala 1986ko udaberria hastearekin batera jokatu zen; lehenengo aldiz Donostiako Belodromoan 1986ko martxoaren 23an.

Urte garaiaz baliatuta Laxaro Azkune gai-jartzaileak Jon Enbeita eta Sebastian Lizaso udaberriaren bueltan jarri zituen kantuan, hamarreko handian. Bata udaberriko txoria kantari eta bestea negarrez dagoen euskalduna.

Txapelketa hartan (bideoaren bukaeran ikusi daiteken moduan) agerian, entzuleen bistan eman zituzten puntuak epaileek. Bertsoaldi honetan, txapeldun izendatuko zuten Lizasok 207,5 puntu (23–23-23-22,5-23-24-22-24-23) lortu zituen eta Jon Enbeitak 206,5 (24,5-23-24-22-22-24-22-23-22).

• 
•