Xenpelar Dokumentazio Zentroa 2015-03-20

Arabarren San Prudentzio sariketa

1984an egin zen Arabako I. Txapelketa baina ez zuen jarraipenik izan. Hortik aurrera 2000.urterarte Araba eta Bizkaiko Bertsolari Txapelketa antolatu zen; 2002an itzuli zen Arabako Bertsolari Txapelketa Printzipal Antzokira. Beraz, epe horretan San Prudentzio sariketak bete zuen herrialdeko txapelketaren lekua.

Duela 25 urte antolatu zen lehenengo aldiz  San Prudentzio sariketa; hobeto esanda Prudentzio Deuna Estibalizko Ama bertso-sariketa.1990eko I.San Prudentzio sariketa hura Abel Enbeitak irabazi zuen,  1984ko txapelketan bultzatzaile eta gai-jartzaile izandakoak. Berarekin izan ziren kantuan Zigor Enbeita (Abelen semea), Rikardo Gonzalez de Durana, Serapio Lopez. Juanjo Respaldiza eta Pedro Bizkarguenaga.

Sari bat baino gehiago banatu ziren eta kanporaketetan abestu zuen Xabier Ricok sari berezia jaso zuen.  Hemen duzue ikusgai urte hartako finalari buruz Hitzetik Hortzerak egindako erreportajea.

2001ean antolatu zen azkeneko aldiz Prudentzio Deuna Estibalizko Ama bertso-sariketa.

• 
•