Arabako Bertsolari Txapelketa 2015-03-18

"Orain momentua da norbanako jardunari ere erreparatzeko"

 2002an Arabako Bertsolari Txapelketak itzuli zirenetik, final guztietan aritu izan da Manex Agirre aramaioarra. Tartean, 2011n txapela ere jantzi zuen. Aurtengo finalerako "motibatuta" ikusten du bere burua. Finalaurrekoen lehenengo itzuliarekin gustura geratu arren, bigarrenak ez omen zion hain zapore gozorik utzi. Finalera begira garbi dauka: "unea da aurreko finalei begiratu beharrean aurtengo ariketei zuzen begiratzeko".

 Kolektibotik norberarenera

 Azaldu duenez, Araban mugimendu kolektiboa indartzeko sortu zen Kuadrilla Arteko Txapelketa: taldea egiteko. Baina aurtengo txapelketan ahalegin kontzientea egin dute norberak egin dezakeenari pisua emateko. Eta horrek ere motibazioa ematen dio finalean kantatzeko.

• 
•