Arabako Bertsolari Txapelketa 2015-03-20

"Finalari bizitasun puntu bat eman nahiko nioke"

 Arabako Bertsolari Txapelketako finaletan esperientzia handiko bertsolaria da Iñaki Viñaspre. Aurten, hala ere, finalaurrekoetan ez dela "nahi bezain ondo" aritu onartu du. Dena den, finalean arantza ateratzeko esperantza dauka.

 Bere iritziz, seikoteko edonork dauka txapela janzteko aukera. Gainera, bertsolari bakoitzak eskaintzeko zerbait daukalakoan dago. Bera finalari bizitasun puntu bat ematen saiatuko da, eta jendeari umorea eskaintzen.

 Aurtengo txapelketan bertsolari bakoitza bere onena ematera bultzatzea izan da helburuetako bat, ariketak estututa besteak beste. Dena den, Araban bertsolaritzak daukan izaera kolektibo horrek hor jarraitzen duelakoan dago: "talde-izaera ez da aparkatu".

• 
•