Nafarroako Bertsolari Txapelketa 2015-03-26

"Bertsotan ondo egitea da asmoa"

 Bigarren finala izango da larunbatekoa Ander Fuentes "Itturri" zubietarrarentzat. Txapelketan nerbioekin ez duela bereziki sufritu dio: "Lizarrako saioan pixka bat lotua hasi eta gero gustura aritu nintzen. Eta Lesakakoan alderantziz: gustura hasi eta nahiko larri bukatu".

 Finalean ere bide horri segi nahiko lioke: "bertsotan egin eta, lagun onak izanda, ofiziotan ondo egitea eta bertsotan ondo egitea da asmoa".

 "Saiatzen gara ideiak eta betelana lantzen"

 Txapelketarako ez omen du prestaketa berezirik egin: "badaramatzat urte batzuk nahiko segidan Lekunberriko bertso-eskolan eta Leitzan ere banabil orain. Txapelketarako prestaketa berezirik ez dut egin baina saiatzen gara ideiak eta betelana lantzen".

• 
•