Nafarroako Bertsolari Txapelketa 2015-03-25

"Momentu horretaz kontziente izan nahiko nuke"

 Eskarmentu handiko bertsolaria da Xabier Terreros Nafarroako Bertsolari Txapelketetan. Aurtengoan jokatutako saioetan "ongi" sentitu dela dio: "gaietan eroso, bertso-lagunekin eroso, ofiziotan eroso... Giro aldetik ere ondo joan dira".

 Finalari dagokionez, "gozatzera" aterako da oholtzara: "Lehenago ere egon naizenetan momentu handi bezala bizi izan dut eta nahiko nuke kontziente izan momentu horretaz eta saiatu momentua gozatzen".

 "Txapelketa da ia-ia bertsoari lotzeko dudan aukera bakarra"

 Bertsolaritza barru-barrutik ezagutzen du Xabier Terreros: Bertsozale Elkartean eta bertso-eskoletan aritzen da. "Baina egia da kantatu apenas egiten dudala eta txapelketa da ia-ia bertsoari lotzeko dudan aukera bakarra. Aurrekoan ez nuen parte hartu, honetan bai eta txapelketaren bueltan bertso-eskolara berriz hurbildu eta kantatzeko aukera izan dut. Agian ez nago prestatu-prestatua baina fresko banago eta hori probestu nahiko nuke".

• 
•