Xenpelar Dokumentazio Zentroa 2015-03-27
Duela hogeita bost urte, lau txapeldun
Nafarroako Bertsolari Txapelketaren historian bada bat besteengandik desberdina, 1990ekoa. Lau izen agertzen dira txapeldunaren lekuan: Manolo Arozena, Joxe Fermin Argiñarena, Eusebio Fagoaga eta Antonio Olano. Banaka beharrean, taldeka jokatu zen txapelketa hura eta Goizuetan izan zen finala 1990eko apirilaren 8an, duela hogeita bost urte.
Manolo Arozena (Goizueta), Joxe Fermin Argiñarena (Errazkin), Eusebio Fagoaga (Ituren) eta Antonio Olanok (Arano) jantzi zuten txapela 1990eko Nafarroako Bertsolari Txapelketan; taldeka hartu baitzuten parte bertsolariek txapelketa hartan.1990eko apirilaren 8an jokatu zen finala Goizuetan eta bigarren saria eraman zuten Bittor Elizagoien (Arraioz), Mixel Aire "Xalbador II" (Urepele), Jean Louis Harinordoki "Laka" (Baigorri) eta Lontxo Aburuzak (Iruñea).
Mariano Izeta eragile elizondoarrak eta Imanol Lazkanok, garai hartan Bertsolari Elkarteko lehendakariak, banatu zituzten sariak eta azken honek agurra ere abestu zuen.
Albiste gehiago
EHBT26 2026-10-10
Xabat Illarregi, Gotaineko gorabeherei bertsoz bertso eutsiz
Igotz Alkorta Irastortza
Bertsoak ez du adinik 2026-10-07
Adin-adin, bertsoa zabaltzen Nafarroako adinekoen egoitzetan
Igotz Alkorta Irastortza
