Hendaian eta Agurainen 2015-04-07

Bertso Korrikako bi saio ikusgai

Korrika Kulturalaren baitan antolatutako egitasmoa da Bertso Korrika eta hainbat saio egin dira herriz herri. Euskaltegietan dabiltzan ikasleek parte hartze zuzena izan ohi dute saioen antolaketan eta bertsolaritzara gerturatzeko baliogarri izaten zaie.

Hendaian bertso-trama egin zuten. Aitziber Zapirainek gidatuta, istorio bat osatu zuten Egoitz Zelaia, Odei Barroso eta Miren Artetxe bertsolariek. Norberak bere pertsonajearen ahotik abestu zuen saio osoan.

Agurainen berriz, ohiko bertso-jaialdia egin zuten. Oihane Perea, Onintza Enbeita, Ruben Sanchez eta Xabi Paya aritu ziren bertsotan Oier Suarez gai-jartzaile zutela.

Hemen dituzue bertsoaldi onenak ikusgai.

• 
•