Gipuzkoako Bertso-Eskolen Eguna 2015-04-29

Bertsopaper leihaketako irabazleen lanak entzungai

 Gipuzkoako Bertso-Eskolen Eguna ospatu zen igandean Irunen. Bat-bateko saioaren ondoren, bertsopaper lehiaketako sari-banaketa ekitaldia egin zen.

 LH 3. eta 4. mailakoetan, 8-9 urtekoetan, alegia, Jon Mendiluze, Irurako Ikastolako ikasleak irabazi zuen. Aipamenak lortu zituzten Ixiar Barandiaranek (Ataungo Joxe Migel Barandiaran eskola), Olatz Santamarik (Zumaiako Herri Eskola), Unai Mirrek (Elgoibar Ikastola) eta Amalur Poncek (Debako Luzaro Eskola).

 LH 5. eta 6. mailakoetan, berriz, 10-12 urte artekoetan, Azpeitiko Ikasberri Ikastolako Lantz Unanuek jantzi zuen txapela. Aipamenak jaso zituzten Peio Zubeldiak (Tolosako Hirukide Jesuitinak), Irati Arakistainek (Zumaiako Herri Eskola), Maddi Urrestarazuk (Ataungo Joxe Migel Barandiaran Eskola) eta Maddi Altolagirrek (Oñatiko Elkar Hezi Ikastetxea).

 DBHko Lehen zikloko ikasleen artean, 12-14 urte artekoetan alegia, Oihana Arana, Eskoriatzako Arizmendi Ikastolako Almen guneko ikasleak jaso zuen txapela. Aipamenak lortu zituzten Aner Perezek (Zarauzko Lizardi Institutua), Maddi Aiestaranek (Beasaingo Loinazpe Institutua), Jone Lizarraldek (Zarauzko Salbatore Mitxelena Ikastola) eta Jone Manjarrések (Oiartzungo Haurtzaro Ikastola).

 Azkenik, 15 eta 18 urte bitartekoetan, Lasarte-Usurbileko BHI-ko Lierni Rekondok jantzi zuen txapela. Aipamenak lortu zituzten Beñat Mujikak (Donostiako Santo Tomas Lizeoa), Oihana Labianok (Azpeitiko Ikasberri Ikastola), Naroa Agirrek (Urnietako Egape Ikastola) eta Ane Belokik (Legazpiko Haztegi Ikastola).

• 
•