Igartza Jauregian 2015-05-12

Banatu dituzte Bertsomoviedako sariak Beasainen

Ostiralean banatu zituzten Beasainen IV Bertsomoviedako sariak, Igartza Jauregian. Joseba Rodriguezen Txakile bideoak eraman ditu bi sari nagusiak, epaimahiarena eta publikoarena, 1.200 bototik gora jasota. Gero Pentzauku Produxions taldearen Etzinen zu lanak epamahiaren bigarren saria jaso du. Gazteen mailan, Tantak ekoizpenak jaso du lehen saria. Gazteen bigarren saria, Garoña Bertsomovieda ekoizpenak jaso du, Miriam Ojabarrenarenak landuta. Aita heriotza ekoizpenak eraman du aurten bertsorik onenaren saria.

Sari banaketa ekitaldian lan saritu guztiak ikusi zituzten eta ondorenean mokadutxo bat ere egin zuten, lanak komentatzeko baliatu zutena.

Antolakuntza pozik eta V. ediziorako gogotsu
Bertsomoviedaren antolatzaileak oso pozik gelditu dira jasotako lan kopuruarekin eta mailarekin. Adierazi dutenez, datorren urterako ere gogotsu daude lehiaketarekin jarraitzeko. Jendeari parte hartzeko deia luzatu diote bide batez. Datorrena, bertsoa eta ikusentzunezko sormena uztartzen dituen ekimen berritzaile honen V. edizioa izango da.

• 
•