Egun osoko festa egingo dute 2015-05-20

Arabako Eskolarteko jaia izango da larunbatean Kanpezun

 Araban ere Eskolartekoa iritsi da azkeneko saiora. Aurtengoan 30 gaztetxo aritu dira bertso-sortak kantatzen eta 22 gazte bat-batean Gasteizen, Aramaion eta Zalduondon ospatu diren bertso-eskolen arteko topaketetan. Larunbatean izango da Eskolartekoaren azkeneko saioa Kanpezun, eta egun osoko egitaraua prestatu dute.

 Goizean, 11:30ean, bertso-eskola ezberdinetako haurrek bertso-sortak kantatuko dituzte.

 Ondoren, 12:00etan hasita, 14 eta 18 urte bitarteko gazteen finala egingo dute. Honako seikote hau ariko da bertan:

 Markel Yoyer (Ilarduia)
 Irati Ruiz de Pinedo (Zalduondo)
 Unai Argote (Gasteiz)
 Peru Amorrortu (Gasteiz)
 Peru Abarrategi (Aramaio)
 Unai Etxenausia (Aramaio)

 Finala bukatutakoan, bertso-triki poteoa egingo dute eta, jarraian, bazkari-herrikoia. Bazkalostean, herriko plazan gazteen show-a eta dantza izango dira.

 Informazio gehiago nahi izanez gero egin klik hemen.

• 
•