larunbatean izan zen 2015-06-08

Besta Hazparnen Bertsu-Eskolen Egunean, eta Aitor Servier Eskolarteko xapeldun

Besta giroan ospatu zen Lapurdi, Xiberoa eta Baxenabarreko Bertsu-Eskolen Eguna Hazparnen, Bertsularien Lagunak Elkarteak antolatuta. Goizean gaztetxoak izan ziren protagonista. 28 bertsu-eskoletako haurrek egin zuten beren oholtzako lana, Oskar Estangak musikaz lagunduta. Gaztetxoek oso emanaldi polita eta gustagarria egin zuten, Bertsularien Lagunak Elkarteko kideen hitzetan.

Arratsaldean, Eskolartekoa jokatu zen. Oholtzan zortzi bertsolari: Kerman Diaz, Hodei Renteria, Nahia Sasco, Ainhoa Sarasua, Julen Bellan, Leire Laskarai eta Ibai Capot. Aurkezle lanetan, Xan Alkhat aritu zen. Bi fasetan jokatu zen xapelketa eta lanak amaituta, Aitor Servier azkaindarrak irabazi zuen txapela. Nahia Sasko gelditu zen bigarren eta Biak izango dira Euskal Herrikoan, Orion, ekainaren 27an. Asteazkenean, bertso hautaketa zabala eskainiko du Bertsoak.

• 
•