Caritas Gipuzkoaren kanpaina 2015-06-17

Kontzientziak astintzeko bertsoak

 Gizarte bazterkeria ikusgarri egiteko kanpaina bat abiatu du Caritas Gipuzkoak. Maiatzaren 28an hasi eta ekainaren 21era bitarte, Donostiako Okendoko aparkalekuko hamaika leku hartu ditu. Leku horietako bakoitzean gizarte bazterkeriaren aurpegi bati heldu dio. 340. aparkalekuan inmigrazioa landu du, eta maleta batzuk eta bertsolari baten irudia jarri ditu. Eta uneoro bi bertsoaldi entzuten dira. Bata Amets Arzallusek 2009ko Txapelketa Nagusiko finalean bakarka kantatutakoa da. Autobusean zihoan Amets, eta inork ez zuen bere ondoan eseri nahi. Afrikatik Euskal Herrira etorritako etorkin baten paperetik kantatu zuen.

 Bigarren bertsoaldia Maialen Lujanbiok 2013ko Txapelketa Nagusiko finalean buruz buruko kartzelakoan kantatutakoa da. "Itzultzeko garaia da" izan zen gaia orduko hartan, eta Ekuadortik Euskal Herrira etorritako emakume baten papera hautatu zuen Maialenek; hemengo egoera ikusi eta hara itzultzea erabaki zuena.

• 
•