Eskolarteko Finala 2015-06-18

Bihar arte egongo da bazkaritarako sarrerak erosteko aukera

 Gero eta gutxiago falta da ekainaren 27rako. Egun horretan Eskolarteko bukaerako festa izango da Orion. Egun osoan zehar izango da zerekin gozatua. Tartean, bazkaria egingo da eguerdian, eta sarrerak erosteko epea bihar bukatuko da. Nahi izanez gero, www.bertsosarrerak.eus atarian erosi ahal izango dira. Horrez gain, herrialdeetatik autobusak ere antolatuko dituzte.

 Gazteen finala goizean

 Eguna hasteko, 15 eta 18 urte bitarteko gazteen bat-bateko finala izango da. Aurtengoan 112 gaztek hartu dute herrialdeetako saioetan parte, eta horietatik hauek dira azkeneko saiora iritsi direnak:

 Manex Maiharin (Berriozar)
 Iñigo Ibañez (Azpeitia)
 Paul Iruretagoiena (Ataun)
 Aitor Servier (Azkaine)
 Nahia Sasco (Lekuine)
 Txaber Altube (Abadiño)
 Lurdes Ondaro (Munitibar)
 Peru Abarrategi (Aramaio)
 Peru Amorrortu (Gasteiz)

 Arratsaldean, libreko saioa eta kontzertuak

 Bazkalostean ere aurrera jarraituko du festak. Hasteko, Maialen Lujanbio Zugasti eta Sustrai Colina Acordarrementeriak saioa egingo dute. Ondoren, Keshala eta Bi Bala taldeen kontzertuak izango dira.

 Finalak Bertsoan

 Herrialdeetako Eskolarteko finaletako aukeraketa zabalak ikusgai daude Bertsoan:

 Nafarroako Finala
 Gipuzkoako Finala
 Arabako Finala
 Bizkaiko Finala
 Xilabako Finala

• 
•