Orion egin da lehen txanda 2015-07-09

Hasi dira bertso-udalekuak

Orion izan da aurtengo bertso-udalekuetako lehen txanda. Pasa den ostiralen elkartu ziren Itxaspe baserrian 12 eta 14 urte arteko 38 lagun. Bertsoarekin eta kantuarekin ongi pasatzeaz gain jolasak, irteerak eta bestelako hainbat ekimen izango dituzte igandera bitarte. Bihar eurek sortutako hitzekin egindako kantua grabatuko dute Oskar Estangarekin.

Hurrengo txanda Irañetan izango da, hau ere 12 eta 14 urte arteko gazteentzat. Uztailaren 13tik 22ra 35 lagun elkartuko dira herriko aterpetxean. Uztailaren 17an berriz, Mauleko bertso-udalekuak hasiko dira 15 eta 18 urte arteko gazteentzat.

Abuztuan gaztetxoenen bi txanda izango dira. Gorozikako Natur Eskola eta Zuhatzako aterpetxea 9 eta 11 urte artekoen elkargune izango dira.

• 
•