Bertso-udalekuak 2015-07-28

Mauleko irudiak ikusgai

Igandean amaitu ziren Mauleko bertso-udalekuak. 10 egunetan 15 eta 18 urte arteko 43 gazte eta 8 hezitzaile egon dira Mauleko Chateau de Libarrenx etxean. Besteak beste, hainbat kultur-eragilerekin elkartu eta euren esperientziak ezagutzeko aukera izan dute. Hemen duzue ikusgai hango irudiekin begiraleek egin dute bideoa.
Bertso-udalekuetako helduenak izan dira Mauleko txandan, 15 eta 18 urteko gazteak hain zuzen ere.

Xiberuko Botza irratia ezagutu dute, Amaren Alabak taldearekin elkartu dira, Odei Barrosorekin aritu dira solasean... Mauleko 10 egunetako egonaldia Xiberuko eta Ipar Euskal Herriko errealitatea hobeto ezagutzeko baliatu dute gazteek; noski oinarrian beti bertsoa eta kantua hartuta.

Kultur-eragileekin biltzeaz gain, Amets Arzallus eta Miren Amuriza bertsolarien bisita ere izan zuten Maulen elkartutako 43 gazte eta 8 hezitzaileek.

Gazteek han bizitakoaren erakusle, ikusgai duzue begiraleek egin duten bideoa.

Orain gaztetxoenak daude euren txandaren zain. 9 eta 11 urte arteko gaztetxoak abuztuaren 2tik 9ra Gorozikan elkartuko dira eta abuztuaren 24tik 28ra Zuhatzan.






Albiste gehiago

Manuel Olaizola Uztapide - Kultur transmisioa 2022-05-12

Uztapide gazteengana hurbiltzen

'Despique' moldeko doinua 2022-05-11

Madeirako doinu batean kopletan egin nahi?

Bertsolaritza eta Charamba 2022-05-11

Elkarlan berri baten oinarriak, Madeiran