Azken Portu auzoan 2015-08-25

Zarauzko bertsoak sarean

Eguraldiak ez zuen gehiegi lagundu baina hala ere, jende asko hurbildu zen oholtza aurreko aulki bustietara. Aterki eta txankletak soinean zituztela entzun zituzten bertsoak, kontraste ederra.

Oholtzan Amets Arzallus, Maialen Lujanbio, Andoni Egaña, Agin Laburu, Nerea Elustondo eta Sustrai Colina kantuan. Eta kantatu, ondo kantatuko zuten; atertu egin baitzuen saioa bukatzerako.

Maite Aizpurua herritarrak egin zituen gai-jartzaile lanak. Hemen dituzue ikusgai hango bertsoaldi onenak.

• 
•