Abuztuaren 15ean egin zuten Andra Mari jaietako bertso-jaialdia Gernika-Lumoko Auditorioan, plaza ederra bertsotarako. Amets Arzallus, Oihana Bartra, Maialen Lujanbio eta Julio Soto aritu ziren kantuan Josu Goikoetxearen agindutara. Bertsoaldi onenak ikusgai dituzue hemen.
Bertsotarako plaza ederra da Gernika-Lumoko Juntetxetik gertu dagoen Auditorioa. Borobil erdiaren forma du plazak: erdigunean bertsolariak eta haien inguruan bertsozaleak. Bertsozale asko gainera, eta gertu sentitzen ditu bertsolariak.