Gipuzkoako Eskolartekoa 2024-04-15

Mara Albisturrek irabazi du Gipuzkoako Eskolartekoa idatzizkoan

Kattalin Arabolaza gelditu da bigarren. Biak Errenteriako Xenpelar bertso eskolako kideak.

Mara Albistur Gurrutxaga errenteriarrak irabazi du Gipuzkoako Eskolartekoa idatzizko alorrean eta Kattalin Arabolaza Palomok jaso du bigarren saria. Sariketa hau iaz arte presentziala izaten zen eta aurten ohiko bertsopaper lehiaketen eskemara ekarri dute. Apaltasuna zuten gaia.

Bat-bateko finalaren ondoren, Albistur eta Arabolazak beren sortak kantatu zituzten jendaurrean.