Beasaingo Igartza jauregian 2015-09-08

Gipuzkoako Bertsolari Txapelketaren aurkezpena larunbatean

43 bertsolarik hartuko dute parte Gipuzkoako Bertsolari Txapelketa 2015ean; horietatik 30 udaberriko Gipuzkoa Bertsotan sailkapen fasean sailkatu ziren eta gainontzeko 13k 2011ko txapelketan lortu zuten zuzeneko txartela.

Irailaren 20an izango da lehen saioa eta finala abenduan jokatuko da. Gainontzeko informazio guztia larunbatean emango dute antolatzaileek Beasaingo Igartza jauregian egingo den aurkezpen-ekitaldian.

Han izango dira txapelketan parte-hartuko duten bertsolari, gai-jartzaile eta epaileak. Horiekin argazki eta irudi saioa eginda gero, prentsaurrekoa eskainiko dute Saroi Jauregi Aiestaran, Gipuzkoako Bertsozale Elkarteko lehendakariak eta Edurne Sorazule Urretabizkaia, Gipuzkoako Bertsozale Elkarteko koordinatzaileak.

Larunbatetik aurrera atari honetan ikusi ahal izango duzue Gipuzkoako Bertsolari Txapelketa 2015-ari buruzko informazio gehiago.

• 
•