Igandean, hilak 27, arratsaldeko 15:00etan 2015-09-17

Datorren astean hasiko da Hitzetik Hortzera

Udazkenarekin batera itzuliko da Hitzetik Hortzera gure etxeetara eta pasa den denboraldian bezala igandero-igandero izango du tartea bertsoak telebistan.

26 atal izango ditu aurtengo Hitzetik Hortzerak: hilaren 27an hasi eta apirilaren 3ra arte luzatuko da denboraldia. Igandetan arratsaldeko 15:00etan izango da lehen emanaldia eta astelehenetan errepikapena eskainiko dute gaueko 23:15etan.

Bertsolarien plazako jardunak uzten dituen ale onenekin batera, "bertsogintzan sortzen diren korapiloak askatzen saiatuko" direla diote telebista-saioaren arduradunek,  "baita korapilo gehiago eragiten ere". Horrez gain, ikasturteko ekitaldi bereziak ere jarraituko ditu Hitzetik Hortzerak: Gipuzkoako Bertsolari Txapelketa, Kulturartekoa, Bertso Eguna...

Beraz, Hitzetik Hortzeraren lehen atala igandean izango da, hilaren 27an 15:00etan ETB1en; sarean EITBren Nahieran atarian izango da ikusgai.

• 
•