Gipuzkoako Bertsolari Txapelketa 2015-10-06

Elgoibarko bertso onenak sarean

Manu Goioganak irabazi zuen Gipuzkoako Bertsolari Txapelketako lehen faseko hirugarren saioa. Larunbat arratsaldean izan zen saioa Elgoibarren eta hurrenez hurren horrela sailkatu ziren gainontzeko bostak: Oihana Iguaran bigarren, Manex Mujika hirugarren, Unai Muñoa laugarren, Iñigo Gorostarzu bosgarren eta seigarren Iban Urdangarin.

Beraz, Manu Goiogana zuzenean sailkatu da final-laurdenetara eta azaroaren 8an Eskoriatzan izango da kantuan Unai Agirre, Beñat Lizaso eta puntuazioen arabera sailkatzen diren beste hiru bertsolarirekin batera.

Larunbatean Elgoibarren kantatu zuten gainontzeko bostek datorren igandean jakingo dute final-laurdenetan abesteko aukera izango duten ala ez. Izan ere, lehen faseko azken bi saioak jokatuko baitira datorren asteburuan: larunbatean Arrasaten eta igandean Andoainen.

Orain arteko puntuazioaren arabera, hemen duzue ikusgai behin-behin behineko sailkapena.

Bertsoaren sareko atarian Gipuzkoako Bertsolari Txapelketari eskaini diogun atal berezian ikusgai dituzue lehen faseko orain arteko bertsoaldi onenak.

• 
•