19:00etan Subijana Etxean 2015-10-14

Goikoetxea eta Curutchet diasporako bertsolariak gaur Villabonan, Lujanbio eta Egañarekin

Diasporako eta Euskal Herriko bertsolariek jaialdia eskainiko dute gaur elkarrekin Amasa-Villabonan. Martin Goicoetchea eta Johnny Curutchet arituko dira Maialen Lujanbio eta Andoni Egañarekin. Ekitaldia 19:00etan izango da Subijana Etxean. Karlos Aizpurua arituko da gaiak jartzen. Bi bertsolariok, Frantxua Bidaurreta San Frantzizkoko Euskal Etxeko ordezkariarekin batean, astebeteko bira egiten ari dira Euskal Herrian barna, Euskal Kultur Erakundeak gonbidatuta.

Martin Goicoetchea eta Johnny Curutchet-ek hainbat ekimenetan hartuko dute parte, bertsolaritzaren mugimendua gertutik ezagutzeko. Igandean, Xalbador Egunean izan ziren. Atzo, Larzabal kolegian izan ziren, bertsu-eskolan parte hartzen eta ondoren Senpereko Larraldea egoitzan, Bertsulari filmaren emanaldian, Amets Arzallus eta Julio Soto ere bertan zirela. Larunbatean, Hernandorena sariketan ere bertan izatekoak dira.

• 
•